Mərkəzi Nəbatat Bağından vətəndaşlara MÜRACİƏT
Bakı Şəhər İcra Hakimiyyətinin başçısının tabeliyində publik hüquqi şəxs "Mərkəzi Nəbatat Bağı" paytaxt sakinləri və qonaqlara müraciət edib.
Mərkəzi Nəbatat Bağından Oxu.Az-a verilən xəbərə görə, Mərkəzi Nəbatat Bağı təbiətlə vəhdət təşkil edən bir ərazi kimi flora və faunanın qorunmasına xüsusi diqqət yetirir.
"Bu səbəbdən bağ ərazisində istənilən növ canlıların, o cümlədən həşəratların mövcudluğu mümkündür. Burada yaşayan canlılara hər hansı müdaxilə təbiətdəki balansın pozulmasına səbəb ola bilər ki, bu da ekoloji baxımdan mənfi nəticələr doğura bilər.
Bir daha sakinlərdən və şəhərimizin qonaqlarından xahiş edirik ki, Mərkəzi Nəbatat Bağında yalnız müəyyən edilmiş yerlərdə hərəkət etsinlər və azyaşlıları nəzarətsiz buraxmasınlar", - deyə müraciətdə qeyd olunur.
Mərkəzi Nəbatat Bağında ilan sancması ilə bağlı bizə hər hansı məlumat daxil olmayıb.
Bu məlumat Oxu.Az-ın sorğusuna cavab olaraq Mərkəzi Nəbatat Bağının Mətbuat Xidmətindən verilib.
"Bağın ərazisinə təcili tibbi yardım avtomobili də daxil olmayıb. Yayılan xəbər tərəfimizdən araşdırılır", - deyə məlumatda bildirilir.
Əzizə İsmayılova
Mərkəzi Nəbatat Bağında 7 yaşlı Ə.Heydərovu ilan sancıb.
Oxu.Az "Qafqazinfo"ya istinadla xəbər verir ki, hadisə ötən gün baş verib.
Uşaq Kliniki Tibbi Mərkəzin Toksikologiya şöbəsinə yerləşdirilib.
Hadisə ilə bağlı TƏBİB-dən bildirilib ki, azyaşlının vəziyyəti ağır qiymətləndirilir:
"Ötən gün ilan sancması səbəbi ilə 2018-ci il təvəllüdlü azyaşlı (kişi cinsli) Kliniki Tibbi Mərkəzin Toksikologiya şöbəsinə hospitalizasiya olunub.
Dərhal zəruri tibbi xidmətlər göstərilən azyaşlıya ilan zəhəri əleyhinə zərdab tətbiq olunub.
Hazırda azyaşlının müalicəsi Toksikologiya şöbəsində davam etdirilir, vəziyyəti ağır qiymətləndirilir".
