Antalyada 4,9 bal gücündə zəlzələ baş verib
101
Türkiyənin Antalya əyalətinin Serik rayonunda 4,9 bal gücündə zəlzələ baş verib.
AZƏRTAC xəbər verir ki, bu barədə Türkiyənin Fövqəladə Halların İdarə Edilməsi Agentliyi X sosial media hesabında paylaşım edib.
Zəlzələnin episentri 28 kilometr dərinlikdə olub.
Hər hansı bir fəsad haqqında məlumat verilmir. NTV-nin məlumatına görə, təkanlar qonşu ərazilərdə də hiss olunub.
Dekabrın 8-i gecə Antalya şəhərinin digər rayonu olan Konyaaltıda 4,3 bal gücündə zəlzələ qeydə alınıb. Zəlzələ 20 kilometr dərinlikdə baş verib.
